Жогорку Кеңештин төрт фракциясынын лидерлери Роза Отунбаеванын президент Сооронбай Жээнбековго кайрылуусун колдоду.
«Ата-Мекен» фракциясынын лидери Алманбет Шыкмаматов, «Өнүгүү-Прогресс» фракциясынын лидери Бакыт Төрөбаев, «Кыргызстан» фракциясынын башчысы Алмазбек Баатырбеков, «Бир-Бол» фракциясынын жетекчиси Алтынбек Сулайманов кайрылууга кол коюшкан.
КСДП жана «Республика -Ата-Журт» фракцияларынын пикири белгисиз.
Эскерте кетсек, бүгүн Роза Отунбаева Сооронбай Жээнбековго Өмүрбек Текебаевге ырайым кылуу сунушу менен кайрылды.
