Премьер-министр Улукбек Марипов кол койгон буйрукка ылайык, бир тууганы Бакытбек Марипов Ош облусунун Ноокат районунун мамлекеттик администрация башчысы — акими кызматынан бошотулду. Бул тууралуу окмөттүн басма сөз кызматы билдирет.
Маалыматка ылайык, бул Улукбек Мариповдун премьер-министри кызматындагы алгачкы чечимдеринин бири жана кызыкчылыктар кагылышын жокко чыгаруу максатында кабыл алынды. Себеби Бакытбек Марипов учурдагы өкмөт башчынын бир тууган иниси болуп саналат.
