Сооронбай Жээнбеков менен Роза Отунбаеванын «экс» макамын алууга 15 миң кол топтолду. Бул тууралуу 24-kg.com агенттигине активист Чыңгыз Капаров билдирди.
Анын айтымында, Роза Отунбаева шайланган шайлоо атаандаштык негизде өткөн эмес. Ал эми Сооронбай Жээнбеков 2020-жылы мөөнөтүнөн мурда отставкага кетти.
«Экөөнүн убагында тең өлкө жоготууларга учурады», — дейт Чыңгыз Капаров.
Демилгени парламентке өткөрүү үчүн 300 миң кол топтоо зарыл.
