2024-жылы Чолпон-Ата шаарында сейил бак жана пляж аймагын масштабдуу жакшыртуу иштери аяктады. Мыйзамсыз тургузулган имараттар — конок үйлөрү, кафелер, павильондор жана соода түйүндөрү демонтаждалган. Бул тууралуу КРнын курулуш министрлиги билдирди.
Маалыматка ылайык, бошотулган аймактар ар бир адам үчүн ачык заманбап коомдук жайларга айландырылды. Иш эки жерде жүргүзүлдү. Алтын кумдар эс алуу борборунун каршысында (950 метр) жана шаардын борбордо (390 метр).
Долбоор Ысык-Көл облусун өнүктүрүү фондунун колдоосу менен Чолпон-Ата шаардык мэриясы тарабынан ишке ашырылган. Курулуш иштерин «Кыргызкурулуш» мамлекеттик ишканасы жүргүзсө, долбоору КРнын курулуш министрлигине караштуу райондук архитектура бөлүмү тарабынан иштелип чыккан.
Аймакта санитардык жана коопсуздук посттору, балдар жана спорт аянтчалары, велосипед жана жөө жүргүнчүлөр жолдору, жашылдандыруу, жарыктандыруу жана чакан архитектуралык элементтер бар. Долбоорду ишке ашыруу аймактын туристтик жагымдуулугун жогорулатууга, шаардык чөйрөнү өнүктүрүүгө жана Ысык-Көлдүн жээгинин инфраструктурасын жакшыртууга кадам болуп калды.
