Бекзат Алмаз уулу Хорватияда өтүп жаткан күрөш боюнча дүйнө чемпионатында финалга чыкты. Бул тууралуу турнирдин сайтында маалымдалды.
Кыргызстандык балбан 57 килограммга чейинки салмак ченинде 1/16 финалдан баштап күч сынашты.
Буга чейин ал канадалык Гаррет Остин Сондерсти 11:0 эсебинде мөөнөтүнөн мурда жеңген. 1/8 финалда ал жапониялык балбан Рин Сакамотодон күчтүү болду. Чейрек финалда Македониянын өкүлү Владимир Егоровду да мөөнөтүнөн мурда жеңип, 1/2 финалга чыкты.
Финалга чыгуу үчүн Бекзат Алмаз уулу өзбекстандык Гуломжон Абдуллаев менен беттешти.
Биринчи орун жана алтын медаль үчүн ал Түндүк Кореянын балбаны Чонгсон Хан менен беттешет.
Белгилей кетсек, 13-сентябрда Хорватиянын Загреб шаарында спорттук күрөш боюнча дүйнө чемпионаты старт алды. Мелдеш 21-сентябрга чейин уланмакчы. Анда Кыргызстандын курама командасы күч сынашууда.
