ЖК Аппарат жетекчисинин мурдагы орун басары пара талап кылууга шектелип кармалды

Улуттук коопсуздук боюнча мамлекеттик комитети (УКМК) Жогорку Кеңештин аппарат жетекчисинин мурдагы орун басары К.Б.Ш жана жаран А.Т.Н 200 миң доллар талап кылып жаткан жеринен кармалганын билдирди.

Мекеменин маалыматы боюнча, тергөө-ыкчам иш-чараларынын жүрүшүндө аталган адамдар алдын ала сүйлөшүп алып, бизнес өкүлүнүн ишенимине кирип алганы аныкталган. Алар УКМКнын төрагасы Камчыбек Ташиев менен жалган байланыштарды көрсөтүп, акча талап кылышкан.

10-октябрда жүргүзүлгөн иш-чаралардын жыйынтыгы боюнча жогоруда аталган К.Б.Ш. жана А.Т.Н. кармалып, ЖПКнын 96-беренеси боюнча УКМКнын тергөө абагынын убактылуу кармоочу жайына киргизилген.

Тергөө иш-чаралары уланууда.