Маданият, маалымат жана туризм министрлиги Тарых музейинин качан оңдолуп бүтөрүн билбейт. Бул тууралуу «24-kg.com» агентигине мекемеден билдиришти.
Министрликтин айтымында, музейдин ичин оңдоо иштери али баштала элек.
«Имараттын сырты оңдолуп жатат. Ичин оңдоого каражат издеп жатабыз. Ага республикалык бюджеттен акча бөлүнүшү керек» — дейт маданият министрлиги.
Түркия менен түзүлгөн келишимге ылайык оңдоо иштери 31-августта аякташы керек болчу. Бирок, кийин аны ноябрга жылдыруу сунушталган.
