Президент Сооронбай Жээнбеков премьер-министр Сапар Исаков, Жогорку Кеңештин төрагасы Дастанбек Жумабеков жана Жогорку соттун төрайымы Айнаш Токбаеваны кабыл алды.
Маалыматка караганда, президент бийлик бутактарынын ортосундагы иштөөнү жакшыртуу үчүн көмөктөшүүгө даярдыгын билдирип, социалдык-экономикалык өнүгүү долбоорлорун ашыруу үчүн чогуу иш алып барууга чакырды.
«Биздин максат - элдин жашоо деңгээлин көтөрүү, улуттук кызыкчылыкты коргоо жана экономиканы өнүктүрүү. Жемкорлукка каршы күрөш баардык бийлик бутактарында жүрүшү шарт», — деп белгилеп өттү президент.
Сооронбай Жээнбеков ар бир бийлик бутагы менен өзүнчө жолугушуу өткөрүп, тапшырма коймокчу.
