23-июнда Бишкектеги Кожомкул атындагы спорт ордосунда кыргыз күрөшү боюнча 11-Эл аралык мелдеш өтөт. Бул тууралуу уюштуруучулар билдирди.
Маалым болгондой, аталган мелдеш биринчи абсолюттук чемпион Туратбек Мазиевдин жаркын элесине арналат.
Иш чарага өлкөнүн бардык аймактарынан чакырылган спортчулар жана чет өлкөдөн келген 4 балбан катышат.
Спортчулар 6 салмак категориясы боюнча күч сынашат.
