Улуттук энергохолдинг компаниясынын мурунку жетекчиси Айбек Калиевдин өнөкөт оорусу курчуп кетти. Бул тууралуу «24-kg.com» агенттигине анын жактоочусу Бактыбек Жумашев билдирди.
Анын айтымында, УКМКнын тергөө абагында медициналык санитардык бөлүмүндө керектүү дары-дармектер жана дарыланууга шарттар жок. Ал билдиргендей, жакында Айбек Калиевдин баш коргоо чарасы боюнча Жогорку сотко даттанат.
Эске салсак, Айбек Калиевге жемкорлук беренеси боюнча айып тагылууда.
