Окурмандар Бишкектеги Жукеев-Пудовкин көчөсүндөгү үйлөрдө 15-октябрдан бери ысык суу жок экенин айтып, 24-kg.com агенттигине кайрылышты.
«Суук түштү, ысык сууну токтотуп коюшту. Биз өз убагында ремонт иштерине жана сууга акчаны төлөп турабыз. Бул жылы дагы былтыркы көрүнүш кайталанабы?», -дешет окурмандар.
«Бишкекжылуулуктүйүнү» ААКнын билдиргенине караганда, ысык суу болгону жеке үйлөрдө жок. Ал эми көп кабаттуу үйлөрдө берилип жатат. Ысык суунун токтотулганы жылуулук берүүгө даярдык көрүүгө байланышкан, 18-октябрдан тарта бериле баштайт.
